Истории
Люди
Вещи
Безумный мир
Места
Тесты
Фото

«Оҕо сааспыт кинигэлэрэ» куонкуруска дьиэ кэргэнинэн кытыннылар

Сунтаар нэһилиэгэр кинигэ нэдиэлэтин чэрчитинэн «Чебурашка» оҕону сайыннарар кииҥҥэ «Оҕо сааспыт кинигэлэрэ» диэн күрэс буолла. Тэрээһин оҕону кыра сааһыттан кинигэни таптыырга уһуйар, остуоруйа алыптаах эйгэтигэр сыһыарар сыаллаах ыытылынна. Быыстапкаҕа төрөппүттэр уонна иитээччилэр кытыннылар. Көрдөрүүгэ уопсайа 195 кинигэ туруорулунна. Мантан 161-рэ нууччалыы, 33-һэ сахалыы, биир француз тылынан кинигэ. Күрэстэһиигэ киирбит үлэлэри улуустааҕы киин бибилэтиэкэ дьону кытары үлэлиир салаатын сэбиэдиссэйэ , методист Алена Портнягина сыаналаатылар. Көрүү-күрэс түмүгүнэн «Самая старинная книга» анал ааты Сивцевтэр дьиэ кэргэн ыллылар. Кинилэр суруналыыс эһэлэрэ Иннокентий Сивцев архыыбыттан латыын буукубатынан суруллубут, 1938 сыллаахха тахсыбыт «Храбрый портняжка» диэн кинигэни аҕалбыттар. «Самая большая и самая маленькая книга» анал аакка тиксибит «Незнайка в солнечном городе» кинигэни уонна хомуурунньугун аҕалбыт. «Большая коллекция детских книг» аанал ааты Емельяновтар дьиэ кэргэн, иитээччи А.С. Николаева уонна «Куобахчаан» бэлэмниир бөлөх ыллылар. Оттон Сусовтар француз тылынан суруллубут Лафонтен үлэлэрин хомуурунньугунан «Самая необычная книга» диэҥҥэ тигистилэр. «Куобахчаан» бөлөх иитиллээччитэ Күннэй Петрова кинигэлэрин тустарынан кэпсээн «Самая творческая защита» диэн ааты ылла. Кини бибилэтиэкэ бэтэрээнэ, эбэтэ Маргарита Никифоровнаны үөрдүбүт буолуохтаах. «Лучшее оформление выставки» — «Сулусчаан» бөлөх, «Читательские симпатии» — Диана Николаева («Якутские народные сказки») буоллулар.
«Оҕо сааспыт кинигэлэрэ» куонкуруска дьиэ кэргэнинэн кытыннылар
Фото: ЯСИА.RUЯСИА.RU
Күрэскэ төрөппүттэр оҕолорун кытары тэбис-тэҥҥэ кинигэ дьоруойдарын көрөн-истэн, оҕо саастарын ахтан-санаан аастылар. «Туллукчаан» оҕону сайыннарар киин иитиллээччилэрэ остуоруйа дьоруойугар кубулуйан флеш-моб көрдөрдүлэр. Кырачааннар үҥкүүлээтилэр, хоһоон аахтылар, таабырын таайдылар. Кыайыылаахтар дипломунан уонна кинигэлэринэн наҕараадаланнылар.